Kiwa dang yoh COVID-19 ha Meghalaya da em biang ki hapoh 50 ngut la 7 sngi, hapoh 100 ngut la 54 sngi wa hapoh 200 ngut la 70 sngi heiwa ynne ka sngi da boon biang da kiwa yoh ya kiwa chait la ar sngi.
Kiwa dang yoh ynne ka 1 tarik da em ki 30 ngut, kiwa dang chait 26 ngut wei ym em wa dang yap.
Kiwa dang yoh toh ha ki 4 tylli ki District kiwa ha East Khasi Hills (26), East Garo Hills (02), Ri-Bhoi (01) wa ha West Khasi Hills (01).
Kiwa dang chait toh ha East Khasi Hills (24), Ri-Bhoi (01) wa ha West Garo Hills (01).
Ki District wa boon dooh kiwa dang chah ktah toh ha East Khasi Hills (251) wa ha West Khasi Hills (13).
Ki District wa duna dooh kiwa dang chah ktah toh ha North Garo Hills (00), South Garo Hills (00), South West Garo Hills (00), South West Khasi Hills (00), East Jaiñtia Hills (02), East Garo Hills (06), West Garo Hills (08), Ri-Bhoi (09) wa ha West Jaiñtia Hills (09).
Waroh kiwa da chait da em ki 97.90% kiwa em 82,739 ngut, kiwa dang chah ktah da em ki 0.35% kiwa em 298 ngut, kiwa yap 1.74% kiwa em 1473 ngut, deilang dapoi 84,510 ngut kiwa da dep yoh ya uni u khñiang hapoh ka jylla.
Heiyatoh wa i e tika hapoh ka jylla, da dep wow e la 19,83,297 sien heiwa ynne ka sngi da e 4342 sien wa kynthup ya ki HCW 16 ngut, ki FLW 65 ngut, kiwa 18 snem chaneiñ 3514 ngut wa kiwa 45 snem chaneiñ 747 ngut.
Waroh kiwa da yoh tika chisien da em ki 11,68,418 ngut wa 8,14,879 ngut la arsien.
Kiwa dang yoh, kiwa dang chait, kiwa dang chah ktah wa kiwi kiwi man ki kamni ha wah:
