theme-sticky-logo-alt
theme-logo-alt
Advertisement ad1

Kyrchaan ka MUPSTA East Khasi Hills yei rai wa daw chim ha ka yalang bah ha Tura

Ka synjuk kiwa sikai kawa tip kam ka Meghalaya Upper Primary School Teachers Association (MUPSTA) kawa kynthup ya ki Adhoc wa Improve Schools yong ka East Khasi Hills da e ki yei kyrchaan pura ya kawon kawon ka rai wa daw chim da ka MUPSTA-Garo Hills Region ha ka yachemlang yong waroh kiwa sikai ha ka 3 tarik uni u bnai kawa daw pynman ha Asanang, Tura, West Garo Hills.

Kam wow pynkynmoo, ka MUPSTA da yoh ko ya ka tyrwa namo ka Proposal wow pynku Deficit System noh ya waroh ki Adhoc UP Schools ha ka Teachers’ Conference kawa da pynman ha Asanang, Tura, ha ka 27-09-18.

Ka seiñ da kmen ko wa da yoh ya kani ka Proposal na ka sorkar wei waroh iwa emkaam da dep phah lut cha ka chnat hawa yatoh wa ini.

Da ong wa kiwa yahkhmat yong ka seiñ ym em chong ngiah wei da booddien ki ya ini iwa da lai aw jan dap 4 snem pura. Wei ha ini i booddien da chem pathan wa i pynslem toh neidaw wa kyllaaiñ da ka sorkar. Kamtæ kam ka seiñ kawa kitkhlieh neibynta i bha yong kiwa sikai, ym banse wow chim da ka luti wa eh wow pynmankaam yei dawa kawa da yoh yei tyrwa na ka sorkar.

Ka kyrwoh na u B.K. Samiam, Publicity Secretary MUPSTA, East Khasi Hills.

Advertisement ad1
Share this:
Previous

COVID-19: Hiar kiwa dang chah ktah hapoh 1 lak ngut hadien 547 sngi ha India

Next

Boon biang da kiwa dang yoh ya kiwa chait la ar sngi ha Meghalaya