Kiwa dang yoh COVID-19 ha Meghalaya da ku biang ki palat 200 ngut hadien chi sngi tangwa kiwa chait da boon ki ya kiwa dang yoh la ar sngi. Kiwa dang yoh ynne ka 15 tarik da em ki 243 ngut, kiwa dang chait 262 ngut wa 6 ngut kiwa yap (5 ngut ki wym em yoh tika). Kiwa dang yap toh kiwa na East Khasi Hills (05) wa na East Jaiñtia Hills (01).
Kiwa dang yoh ha East Khasi Hills da em ki 109 ngut iwa da em biang palat 100 ngut hadien ka 10 tarik uni u bnai. Kiwa dang yoh da boon ki leh ha West Khasi Hills kiwa em 75 ngut wa ha Ri-Bhoi 32 ngut katwa ha kiwi ki District da em ki hapoh 10 ngut.
Na kiwa dang yoh kiwa duna dooh toh ha East Garo Hills (00), South Garo Hills (00), East Jaiñtia Hills (01), North Garo Hills (01), South West Garo Hills (01), West Garo Hills (07) wa ha West Jaiñtia Hills (07).
Ki District wa boon dooh kiwa dang chah ktah toh ha East Khasi Hills (747), West Khasi Hills (313), West Jaiñtia Hills (236) wa ha Ri-Bhoi (174).
Ki District wa duna dooh kiwa dang chah ktah toh ha South Garo Hills (01), North Garo Hills (09), South West Garo Hills (11), East Garo Hills (13) wa ha East Jaiñtia Hills (24).
Waroh kiwa da chait da em ki 96.15% kiwa em 75,698 ngut, kiwa dang chah ktah 2.11% kiwa em 1664 ngut, kiwa da yap 1.73% kiwa em 1367 ngut, deilang waroh da poi 78,729 ngut kiwa da dep yoh ya uni u khñiang hapoh ka jylla.
Kiwa dang yoh, kiwa dang chait, kiwa dang chah ktah wa kiwi kiwi man ki kamni ha wah:
