15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1

Kyllooid warr ki luti lai kjat ha Jowai

Advertisement ad1
Advertisement ad1
Advertisement ad1

Hadien wa ka sorkar jylla kamjooh ki bor District ka West Jaiñtia Hills da pynkyllooid ki ya ki kyndon heiyatoh wa i dai, i thied, ki yaw ki haat kamjooh kiwa ki jait kaam nadooh ki kari kamai wei da chah leh wow wai ki skur nadooh ka tayaw wa nyngkong uni u Naikhynde.

Ha chnong Jowai nadooh wa chwa wow wai ki yaw da dep wow pynkhreh ya ki thaw chongai wa chipor ya kiwa chongdai madan hadien wa da ood kiwa chongdai wym yoh thaw chongdai ki. Wei rap nachwa nadooh ka Dorbar Chnong Tympang Iawmusiang da chimkhia ko ya ini i kaam wa yatoh wa i chongdai ha ki thaw paidbah kam charood sarok wa ki thaw lai kjat iwa da yarap bha wow pynkyllooid ya ki bynta ka Iawmusiang khamtam ki bynta wa nadooh i thaw psiah chaka yung krehkaam u DC chadooh ki bynta ka JHADC.

Advertisement ad1
Advertisement ad1

Ha kini ki sngi wa da dep kini ki bynta da man sakhiat ki kiwa khynnia bha heiwa na iwi i liang u sarok da chong kiwa dai jhoor katwa na chiliang won da chong da kiwa dai that deilang wa ki kari wa lai wa wan, kiwa thied tiar na waroh arliang wei da em leh ki khynnah kiwa lai skur.

Hajrong ini, neiliang u DC da pynmih hukum u ya kiwa chongdai harood sarok, ki luti lai kjat ki paidbah wow kyrriah noh ki nadooh ynne ka 15 tarik.

Kamtæ ynne dang step chwa wow wan kiwa chongdai da em chwa ki pulit wa yang ha kini ki thaw heiwa kiwa chongdai leh ym em de chongdai ki ha kini ki thaw hadooh i janmiet wa pynmih ya ka khubor.  

Share this:
Previous

Boon da kiwa chait la ar sngi ha Meghalaya hanla ku biang kiwa dang yoh palat 200 ngut

Next

Ymtoh wow paan lang wa ka Vaccination Certificate hawa yaleh kreh sorkar: Adelbert