Kiwa chait da boon ki ya kiwa dang yoh COVID-19 la soo sngi ha Meghalaya iwa da pynhiar ya kiwa dang chah ktah wow em ki hapoh 3000 ngut heiwa kiwa dang yoh leh da neh ki hapoh 500 ngut la 15 sngi khlem sangeh. Tangwa waroh kiwa dang yoh hadooh ynne da tam ki 74,000 ngut.
Kiwa dang yoh ynne ka 23 tarik da em ki 305 ngut, kiwa dang chiat 434 ngut wa 3 ngut kiwa yap (2 ngut ki wym pu em yoh tika). Kiwa dang yap toh na East Khasi Hills (01), West Jaiñtia Hills (01) wa ha West Khasi Hills (01).
Na kiwa dang yoh kiwa boon dooh toh ha East Khasi Hills (138) waka Ri-Bhoi (105) wei da em leh 5 tylli ki District ki wym em kiwa dang yoh kitæ ka East Garo Hills, East Jaiñtia Hills, North Garo Hills, South Garo Hills wa ha West Garo Hills. Ha kiwi won ki District kiwa dang toh da em ki hapoh 40 ngut.
Kiwa dang yap man ki kamni ha wah:
- Patient’s name: Sweet Wanniang, 76 Yrs/F
Address: Lawse, WK Hills
Admitted on 18-08-2021 in Covid-19 Hospital, Nongstoin
Expired on 22-08-2021
Cause of death: Covid-19 Pneumonia with comorbidities - Patient’s name: Mery Suchiang, 86 Yrs/F
Address: Thadmuthlong, WJ Hills
Brought dead on 22-08-2021 to Civil Hospital Shillong
Cause of death: Covid-19 Infection - Patient’s name: Nelibon Nongspung, 55 Yrs/F
Address: Laitlum, Smit, EK Hills
Admitted on 21-08-2021 in Civil Hospital, Shillong
Expired on 23-08-2021
Cause of death: Severe Covid-19 Pneumonia
Heiyatoh wa i e tika hapoh ka jylla, da dep wow e la 12,90,187 sien heiwa ynne ka sngi da e 8,500 sien wa kynthup ya ki HCW 81 ngut, ki FLW 736 ngut, kiwa 18 snem chaneiñ 5235 ngut wa kiwa 45 snem chaneiñ 2448 ngut.
Waroh kiwa da yoh tika chisien da em ki 10,03,289 ngut katwa kiwa da yoh la arsien da em ki 2,86,898 ngut.
Kiwa dang yoh, kiwa dang chait, kiwa dang chah ktah wa kiwi kiwi man ki kamni ha wah:
