theme-sticky-logo-alt
theme-logo-alt
Advertisement ad1
Advertisement ad1

Na Wahumkhrah chem biang ki pulit ya ki 3 tylli ki suloi wa chah knieh

Advertisement ad1
Advertisement ad1

Ki pulit ka East Khasi Hills da yoh biang ki ya ki 3 tylli ki suloi wa da chah knieh ha ki bru wym tipmit ha ka 15 tarik uni u bnai na Mawkynroh.

Ki pulit da chem biang ki ya kini ki tiar siat hadien wa da mih kawi ka chithi na ki bru wym tipmit kiwa da kam wa ki da lai noh ki ya kini ki suloi ha Wahumkhrah kiwa da knieh na ki pulit ka Mawkynroh ha ka 15 tarik.

Hadien wa da yoh ya ini i yutip, neiliang ki pulit ynne ka sngi da sdang ki wow ngam ha ka Wahumkhrah deiwa sdang na ka yingkieñ Umpohliew kawa pynyabi ya ka Jaiaw wa ka Mawlai, wei hadien kattu katni por wa thooh ki pulit, da yoh biang ya kitai ki suloi.

Kam wow pynkynmoo wa ya ka chithi kawa da phah cha ki Waheh Chnong ka Mawlai, da phah leh cha kiwa thoh kotkhubor ha ka 21 tarik. Katkam katai ka chithi da ong wa ki kattu katni ngut ki bru kiwa da chim noh ya ki 3 tylli ki suloi na ki khynnah kiwa dang hapoh 15 wa 16 snem da lai noh ki ya kitai ki suloi yow lait nei pynemkaam bakla næ pynmynsoo.

Kam wow pynkynmoo wa u Montri Rangbah leh da kyntu u wow pynuiñ ya ki suloi wei ya i pyruid kiwa pynyuiñ daw murieh ya ki.

Share this:
Previous

COVID-19: Hiar kiwa dang yoh cha 25,072 ngut iwa duna dooh hadien 160 sngi ha India

Next

Boon da kiwa chait la soo sngi, hiar kiwa chah ktah hapoh 3000 ngut ha Meghalaya