Ki le tylli ki seiñbhalang na Ri-loom Garo kitæ ka GSU, FKJGP wa ka AYWO da thoh ki cha u Montri Rangbah ka jylla Meghalaya yow tuklar u yei chem chitom kiwa lai puræ Degree kiwa pait da ka Tura NEHU Centre.
Ki le sieñ da ong ki wa sñiawthooh ki wa ka NEHU kattæ krehkaam ki deiwa em 30% ki bru wakreh iwa da ye u man i daw wa da wanrah yei ujor na kiwa boon nadooh ki bei ki pa wa kiwa lai puræ na Ri-loom Garo wa da maad ki yei jynjar.
Ki le seiñ da pyntip ki wa da yaklam ki wa u Principal ka Tura Govt. College heiyatoh wa ini heiwa da tip wa ka 15 tarik uni u bnai toh ka tarik wa khaddooh u pynbiang ya ki kot ki sla cha ka NEHU kamjooh yow pynbait ya iwa bakla. Tangwa kopsar em i ya sñiawthooh bakla heiwa da em ki Mark Sheets kiwa da dep pynbait katwa dang em kiwa ym pu em.
Da em kitu kiwa yaleh Exam da ka Online lane Offline kiwa da dep lai e ya iwa da thoh ki kam chibynta ka Internal Assessment tangwa ya kini da thoh kiwa Absent.
Ka NEHU da e ko leh ya ki Admit/Admission Card deiwa bakla ki Subject wei da em leh kiwa da dep thoh ya ka Exam tangwa kini won da pynyoo ya ki kam kiwa Absent wei da em leh kiwa chah kyntait wei ym tip yei daw.
Da em leh kiwa chah thoh wa Fail ki hanla ki Marks ka Exam wa ki IA toh iwa biang.
Da em leh kiwa yaleh wow lai puræ Master Degree tangwa lada ki Mark Sheet dang man ki kiwa bakla wei kiwa thoh bakla Absent ym tip de ki kammon wow leh.
Ki le seiñ da kdaw ki wa ini waroh toh iwa boon wa jia ha Tura wa kiwa lai puræ ha kiwi ki District Garo.