15 49.0138 8.38624 1 0 4000 1 https://wyrta.com 300 0

Boon ki chynrang kiwa pyntkut pyn yei mynsien yong ki bar ya ki kynthai
La 53 tylli ki mukotduma wa pyntkut mynsien hapoh 9 bnai

0 Comments
Advertisement ad1
Advertisement ad1
Advertisement ad1

Jowai : Ka SAN-KER ka thaw sumaar ya ki bru wa chitom hei pyrkhat pyrdaiñ ynne da leh warom ki ya ka World Suicide Prevention Day namo ka sngi yada ya kitu wa em i kwah wow pyntkut ya i mynsein yong ki hi (Suicide). Hei yatoh wa ini da pynman ya ka yalang ha Jowai hapoh ka Chutwakhu Indoor Hall hajrong ka phang “Connect Communicate Care”.

Ha ka yalang u Dr. S. Syiem da pdiang burom u ya waroh kiwa emlang wei kamjooh da klam u yei rukom yarap (Counseling) ya kiwa lait im na kiwa boon kiwa pyrchang u pyntkut yei mynsien yong ki kamjooh leh iwa emkaam u leh kiwa hayung hasem yow yarap ya ki.

suic1

Ha kani ka sngi da em leh ka Patricia Mukhim, Editor Shillong Times kawa ong ka leh toh kawa lait na ini i jooh i chitom sñiawthooh bha ko yei eh i khoo wa chem kiwa ha yung wei da ong ko wa emkaam wa kiwa ha yung ha sem u chong wei wow ap yeiwa klam kiwa chitom wei wow pynyoo ya ki yei maya.

Da ong chooh chooh ko wa emkaam hadooh kattæ kattæ wow pynlut por wa ki khon ki kti yong ki khamtam ha kani ka juk internet wa katni.

suic

Neiliang ki wa sikai, ka Khianmom Kyndiah, Principal, Government Girls Higher Secondary, School, Jowai da e ko ki daw wa ki khynnah wa em i chitom wa wit i rukom pyrkhat, i pynemkaam ya ki drugs, kiad, i khlan yamai ki bei ki pa iwa ktah ya ki khon ki kti, i eh ki kot ki sla jooh wanrah ko ya ki khynnah wow pyrkhat ki wow pyntkut noh yei mynsien pyn yei yong ki dahi. Kamjooh katni i bor yong ka Social Media leh ye i u wanrah yeiwa boon iwa pher hei rukom pyrkhat ki khynnah.

U Dy. SP, P. Syiem hei klam yong oo da ong u wa ha uni u snem 2016 da dep chem 53 tylli ki case Suicide heiwa 11 na ki toh ki kynthai katwa 42 ngut won toh ki chynrang du ha West Jaiñtia Hills.

suic3

Hei step yong kani ka sngi da pynman chwa da ka Cycle Rally nadooh na 4 mær hadooh ha madan Jrisaleiñ, Chutwakhu Jowai heiwa u SP ka WJH leh da chimbynta lang u.

Advertisement ad1
Advertisement ad1

0 Comments

Leave a Reply