Nadooh wa u Narendra Modi da chimkti u ya ka chuki kam u Montri Rangbahdooh yong ka ri, da booh syndon u ya ka thong wei itæ toh wow yaleh katwa ye wow wanrah cha ka miej yaklam ya ki seiñ kieñ tiar wa em ha man ki jylla ki thaaiñ North East, yeini da ong da u Montri ka sorkar bei uwa pait ya ka chnat Law & Justice, u Kiren Rijiju hawa yaklam wa ki laad pathai khubor ha Shillong ynne ka sngi.
U Rijiju da kam u leh wa boon ngut ki khynroo kiwa da chah yah bakla da sdang ki wow uiñ biang wow im hapoh ka imlang sahlang wei ya kitu ki wym pu em uiñ, ka sorkar bei u em bait ko ya ka thong wow yaleh wow wanrah ya ki.
U Rijiju da ong u wa lada ym em i chongsuk chongsaaiñ, ka thaaiñ hi ym ye ko wow poi cheiwon cheiwon.
Hawa yatoh wa ka Meghalaya, u Rijiju da ong u wa ka sokar pyrdi man ko kawa smat wow yarap ya ka sorkar jylla wei leh wow pynneh ya ka chongsuk chongsaaiñ ya iwa da emkaam leh yei ya krehlang hapyrdi ka sokar jylla wa ka sorkar bei.
Puræ leh: Wan pyndem 644 ngut ki dkhot ki seiñ kieñ suloi deilang wa ki tiar yasiat ha Assam
