Jowai : Kat dang mih ki sngi ki laiñ wa yang poisa ki bru ha ki bank wow kylliang poisa da sdang ki u duna kamtæ da phah leh ya ki bank ha palat chnong wow yakrehlang ki wa ki Bank ha Jowai.
Ki Bank Manager da ujor ki wa ki paidbah dang kyntait ki u chim da ki poisa naar wei kwah ki da ki kot T. 100, T. 20 wa ki T. 10 heiwa da kyntu leh ya ki paidbah wow yakrehlang ki wa ki Bank kam ha kini ki por.
Ki poisa naar kamwa man kattæ ha UBI Jowai Branch ki poisa naar em ki kamni T. 1 – 192500, T. 2 – 295000, T. 5 – 12500, wa T. 10 – 1860000. Waroh ki poisa naar em ki T. 23,60,000.
Neiliang ki bor ka West Jaiñtia da kyntu ki ya ka RBI Guwahati wow pyllait poisa ko hapoh ka 18 tarik chirup wa ki kot T. 500 wa thymme. Da yooluti leh wa ki ATM hapoh ka district u wai noh ki.
Ki wa dai dukan leh pynchitom ki ya ki paidbah deiwa phah thied tiar chiboon em ki por hadooh T. 2000. Um ye u pynbor ya ki paidbah u thied ki palat yei mar wa emkaam ki.
La chem wa leh kiwa dai kamtæ ye u ujor bran bran lyngba ka whatsapp No. 9436394363.
Discussion about this post