Ka JSU War Jaiñtia Circle ynne ka sngi da lai pait ko ya ka kari 108 kawa em ha Amlarem Sub-Division hapoh Jaraiñ PHC neibhah ka seiñ nadooh u snem 2018 da dawa ko ya ka kari 108 hapoh Amlarem Sub-Division hadien wa da kyrriah noh ya kawa jooh em na Amlarem Sub-Division ha u snem 2014 wei ini i dawa ka seiñ na ka sorkar wa ka GVK da wanrah biang ya ka kari ha Amlarem ha u Wisu (Mar) uni u snem.
Kam wow pynjanai ya i krehkaam ka kari 108 neibynta ki paidbah ka thaaiñ War Jaiñtia, ki dkhot ka seiñ da lak pait ki khnang wow tip yei duna i rukom krehkaam ko khnang wow ye u leh yeiwa emkaam.
Neiliang ka seiñ hadien wa ood ki paidbah yei tlot i chakri ka GVK ha Amlarem Sub-Division wei da em leh ki khep wa kset donhi ya ka Ambulance 108 dei yong tayaw, ka seiñ da dawa ko wow pynbiang ya kiwa kreh yow ye kani ka kari wow chakri ya ki paidbah ka thaaiñ kamwa da thmu.
Puræ leh: Yoh biang ka Amlarem SD ya ka 108 Ambulance, looid ka JSU ya ka lama yong
