15 49.0138 8.38624 1 0 4000 1 https://wyrta.com 300 0

Burom ‘World Environment Day’ ki khynnah skur Chilliangraij

0 Comments
Advertisement ad1

Jowai: Kamwa da tiplang wa ka 5 tarik u Naiynru toh ka ‘World Environment Day’ namo  ka sngi heiwa ki ri ha chityllup ka pyrthai ha ka thong wow pynneh pynsah yei miat yirngam i doh i pran ka Bei Rymaw yieñ ki wow pynman ki program waphær na ki por cha ki por, kamtæ hajrong kani ka thong ki khynnah skur ka Chilliangraij leh hei pait ki bor pynlai da pynman ki ka program kyrpang deiwa booddien ya ki dieñ wa dadep thung kamjooh leh wow thung thymme ha ki kattu katni ki bynta wa yoo emkaam.

Chwa wow sdang i kreh i kaam ki khynnah deilang wa kiwa sikai da em ka yalang watbian hei pynlai ka Head Teacher ka Handakaru Iakai heiwa da e ko leh ki kyntien yahkhmat heiyatoh wa ka thong yong kani ka sngi kawa ong ‘Beat Air Pollution’ neitæ won ka bynta wabood toh i yoh ya ki kyntien kyrsu kyntu na u Chairman ka School Managing Committee u Damehiwot Pde uwa da klam hajrong i emkaam wow thung ya ki dieñ ki siej na ki por cha ki por neibynta wow yoh i ya ka la-ær wa khooid wow lait u syllen i doh i pran ka Bei Rymaw.

Advertisement ad1

Chooh chooh ha kani ka sngi ha ka thong yong ka Swachh Bharat-Swachh Vidyalaya wow pynkynmoo biang yei kaamram kam kiwa chong chnong heiyatoh wow wanrah yei khooid i pliah i man i long ka Bei Rymaw da em leh i puræ ya ka Swachh Bharat Pledge kawa da chimbyntalang da waroh.

Hadien wa da kut kani ka program yaklam yakappe ka bynta wa bood ha kani ka sngi toh i booddien ki khynnah skur wow  pait u sylli ya ki dieñ wa dadep thung ha ki bynta ka Khloo Langdoh wei i thung na won leh ya ki tre dieñ wa thymme ha ki kattu katni ki bynta kawa man ka dak i ya ksohktilang hajrong ka thong yong ka sorkar jylla kawa ong ‘One Citizen- One Tree’. 

0 Comments

Leave a Reply