Ka Education Cell yong ka Khasi Student’s Union Central Executive Council (CEC) ha ka 31 tarik u Naisaphra da lai ki wow yachem wa ki bor wa toh u pait ya ka Meghalaya Board of School Education (MBOSE) hajrong i bakla i rukom thoh ya ka kot puræ Social Science yong ka Class-X kawa da thoh bakla deiwa pynhaap lang ya ka District thymme ka jylla ka Eastern West Khasi Hills District hapoh ka thup Ri-loom Garo.
Ha ini i lai yachem ka seiñ da yoh wow yaklam wa u M. Marbañiang uwa man kam u Joint Director yong ka MBOSE, Shillong Office heiwa neiliang ka seiñ da pynsñiaw ko yei sñiawsih hajrong i leh khalær yei rukom thoh kot khamtam yaka kot Social Science na i por chei por iwa ka seiñ da jooh chem ko ya ini i tkoh.
Neiliang u Joint Director da pdiang u ya ini i bakla wei daw pynbait noh syndon ya ini i kaam deiwa ong leh wa em i tkoh hei rukom sylli ka Board ya ki kot hachwa wow pynlait ya ki kot skur neibynta ki khynnah ha ki kyrdan waphær waphær.
Neiliang ka seiñ da pynsñiaw ko leh yei thrang yong ka wa toh u booh da ki kot wa thoh da ki tre ri khnang wa kini waroh ym jia de i.
