U Lambor Malniang, MLA/MDC ka Nongkrem Constituency uwa man leh kam uwa e buit u Montri Rangbah, ynnin ka sngi da wai u ya ka Sub-Centre wa em ha Mawmuthoh, East Khasi Hills District ha ka yalang wa pynman da ka yung krehkaam u District Medical and Health Officer, East Khasi Hills District deiwa ya krehlang wa ka Directorate of Health Services (MI), Meghalaya and Health Engineering Wing, Shillong.
Ya kani ka Sub-Centre da chna hei dor wa T. 15 lak.
Hawa e yei klam, u Lambor Malniang da ong u wa hadien boon snem ini i angnood ki paidbah da yoh i wow yoo ya ka sngi wai ya kani ka Sub-Centre. Deiwa ong leh wa kattu daw suk ki paidbah wow yoh sumaar khlem da lai de cha Smit.
Da ong u leh wa ini waroh da mankaam deiwa ya krehlang ki waheh chnong, kiwa chong chnong waka chnat i chait i khiah. Da pynkynmoo u leh wa i chait i khiah toh ka spah kamtæ da pynchlur u ya kiwa chong chnong wow wan ki chakhmat yow yoh yei sumaar kamtam ki kynthai wa punkhon wow wan ki dei langær yow leh ya ka Checkup yow suk i kha khon. Da pynchlur u leh ya ki paidbah wow chim kabu ya ki Scheme sorkar wa boonjait wei wow wan chim tista yei tika.
Da pynchongchit ya kani ka yalang da i rwai na ki khynnah skur ka Little Flower LP/Up School wa ki khynnah ka Chakinah School, Mawmuthoh.
