Jowai: U Dolloi ka Elaka Rymbai u Elios Swer da chah ujor u ha kani ka 16 tarik heiwa da pynbaad wa da leh chiliang khmat u hei yatoh wa ki kaam chnong hapoh Ladrymbai Dongwah.
Ha ka dorkhat wa e cha u Executive Member ka Political Department da ong wa katkam wa man, kiwa chong chnong hapoh ka chnong da pyntip ki cha oo wa da thung chipor ya u waheh chnong (Acting Waheh Chnong) chipor tangwa u Dolloi da kyntait u yeini i rai ka chnong.
Ka chnong da ong ko wa neiliang ka Committee ka chnong da jied ko ya u Acting Waheh Chnong wow pait wow yoo yei bha i miat ka chnong kat wympu yoh u jied ya u Waheh Chnong wa pura.
Ya kani ka rai da mynjur lang da ka Committee Chnong kawa katkam ka aiñ ka dustur chnong da phah ya kani ka rai cha u Dolloi ka Elaka tangwa neiliang yong oo ym bien u wow pynskem yeini iwa da pynsñiawsih ya kiwa chong chnong.
“Ini i tyngkheiñ ya ka aiñ da man i kam iwa yoobeiñ wei lehbeiñ u ya ka rai ka Dorbar Chnong” da ong ka dorkhat.
Neiliang ka Committee ka chnong da ong ko wa ini i leh u Dolloi da tyngkheiñ u ya ka aiñ yong ka JHADC wei da kyntu ko wow pynchitom ya oo.
Ya kani ka dorkhat da soi pyrtuid da u Marshall Biam na Lad Rymbai Dongwah.
Discussion about this post