Ka NPP Women’s Front Jowai Block ynne ka sngi da lai pait ki ya kawi ka manyung ha chnong Niriang, West Jaiñtia Hills District kawa da maad yei jia wa sñiawsih ha u snem 2024, heiwa ka bei yong kani ka manyung kawa pyrtuid ka Wompher Suting da khlaad noh ko na kani ka pyrthai hadien wa da maad ko yei jynjar saja i im wa 8 bnai neidaw wa chah thang diñ pyn ha u kurim ha ka 26-09-2024.
Kani ka manbei da ieh ko chadien ya 6 ngut ki khon wa dang khian wei ya ki da hap pait hap ri da ka beipun ki ka Hiar Suting wot hapyrdi i rta wa da noh.
Ha ini i lai lipait ka NPP Women’s Front Jowai Block da e yarap haroh ko cha kani ka manyung wa kynthup nadooh ka poisa, ki baam, ki that ki nep, ki sula wa kiwi.
Chwa wow e kti ya ki tiar cha kani ka manyung da em ka yalang tbian wa pynlai da ka Lary Lamare, General Secretary NPP ka District West Jaiñtia, ha chirup i emlang u waheh chnong ka Niriang, u Pynhunlang Mukhim deilang wa ki dkhot EC chnong.
Hajrong ini i wan pait wei wow e yarap, neiliang kiwa yahkhmat ka NPP Women’s Front Jowai Block lyngba ka President ka J. Queensland Nongrum khana ki wa ini i wan yong ki man i leh chibynta i sñiawlem wa i wan e mynsien ya kani ka manyung wym toh u dooh mynsien tangwa u skem pyrkhat wei wow duwai ha u Blai yow yarap wow leh u iwa bha tam neibynta yong ki.
Najrong i klam u waheh chnong uwa da pynsñiaw i yaroh hajrong kani ka kaam wa da leh da ka seiñ kynthai NPP, da yoh leh i khana wa bniah hajrong i jia ya ka Wompher Suting na ka Angel Syngkon kawa sah marjan wei kawa rap tip bha yeiwa jia.
Discussion about this post