Hadien wa kiwa chong chnong ka Mynsngat da booh FIR ki ha Nartiang Police Station ha ka 25-10-25 deiwa pynbaad wa em i baam tooh heiyatoh wa i pynkreh chna paikhana hapoh ka Swachh Bharat Mission hapoh ka chnong tangwa hadooh kattæ ym em yoh yei jubab wa biang, kamtæ neiliang ka chnong daw lai ujor noh ko cha ka Meghalaya Human Rights Commission dei kyrmen wow yoh yei bichaar wa hok katkam wa chem neiwa yoh jubab RTI na ka yung krehkaam ka PHE RWS Division, Jowai.
Katkam ka jubab RTI da chem wa em hadooh 164 tylli ki manyung wa toh hok wow yoh myntoi na kani ka Scheme tangwa kiwa da mih pyrtuid ym em yoh ki wot ya ka poisa wow pynchna ya ka paikhana katkam wa da mang tangka.
Ka Work Order yong katai ka Scheme da pynlait nadooh ka 6 tarik u September 2024 tangwa kiwa toh u yoh myntoi ym tip ki wa mih pyrtuid ki kat hadooh wa yoh jubab RTI.
Neiliang u Phresmi Suting uwa yaleh ya ka RTI da ong u wa ka Swachh Bharat Mission man ko neibynta kiwa dooh wa duk yow chna paikhana ki yow pyndooh pyndam noh yei lai paikhana cha khloo tangwa da man pathan ko kam ka laad e baam ya kiwa emkti hapoh i krehkaam ka chnat PHE RWS Division Division wa ka VWSC Mynsngat kiwa da leh yeini khlem da sarom.
Kamtæ da dawa ya ki bor ka aiñ wow kem wei wow pynchitom katkam ka aiñ ya waroh kiwa emkti ha kini ki kaam baam tooh iwa da ktah yei hok ki paidbah wa dooh wa duk.
Puræ leh: Mih du i pyrtuid kam kiwa yoh paikhana | E FIR ka chnong Mynsngat ya ka PHE wa VWSC
Discussion about this post