Jowai: Ka Futsal Association of Meghalaya (FAM) da phah ko ya ka dhab ynne ka sngi wow lai yakhun cha ka lympung Senior National Futsal Championship kawa daw man ha Goa nadooh 7 tarik hadooh 12 tarik uni u bnai ka wow pynman da ka Futsal Association of Goa hapoh ka Futsal Association of India.
Ka FAM da phah ko ya kani ka dhab deiwa e laad ya kiwa yalehke yong ka u ya chim bynta ki ha kani ka lympung wa rap heh yow rap tip chooh chooh ki chaphang kani ka jait yalehke wei kammon kiwi ki dhab na kylleiñ ka ri India yaleh ki ka.
Ka Futsal Association of India leh da pyntip ko wa daw jied ko ya kiwa yalehke yong ka na kani ka lympung wow mihkhmat ya ka ri ha ki International Futsal Championship. Ka FAM kyrmen ko wa kiwa yalehke yong ka jylla u ye bha ki u yalehke yow chah jied ki.
Ka FAM leh sñiawkmen ko wa kawi na ki Club Football kawa heh ha ka Jylla, ka Malki Sports Club da wan ko chakhmat u e yarap wei kyrchaan ya ka FAM neibynta kani ka lympung kawa daw man ha Goa. Kani ka nongmuna wa kyrchaan ka Malki Sports Club khlem pep u pynchlur ko yei kaam yalehke hapoh ka jylla.
Kiwa yalehke wa kiwa yahluti ya kani ka dhab man ki kamni:
Goalkeeper:
1.Kerrimehi Kharmujai
2.Macduff Nongrum
Defender:
1.Marshall Nongrum
2.Wellson K. Hynniewta
3.Raymond P.Lyngwa
4.Nangteiskhem Nongrum
Midfielder/Attacker
1.Eborlangki Jat
2.Terence Jyrwa
3.Dayowanki Pale
4.Shanbor Jyrwa
5.Macmillan Mukhim
Manager: Fieldingstar Sun
Asst. Manager: Dauniwanchwa Phawa
Discussion about this post