Cha ka sngi wa 3 poi i yakhih wow pyrchah yei kyrriah kaam ya u DC

Jowai : Ki manbei, chirup wa ki khynroo ki dkhot ka MPUF ynne ka sngi i yakhih wow pynneh ya u Arunkumar Kembhavi kam u DC ka West Jaiñtia da poi ko cha ka sngi wa le.

Kani ka yakhih Sit-in Demonstration da sdang nadooh ka 16 tarik hei emlang ki manbei manpa na ki chnong waphær waphær ka ri-loom Jaiñtia.

Ynne kani ka sngi da rah leh ya ki Placcard wa ong “We want a working DC, not a yes sir DC” næ iwa mut – emkaam i ya u DC wa kreh, ymtoh da uwa kyi hi-eh.

U president ka MPUF u Dapoiwanmi Laloo da pyntip u wa kani ka yakhih u pteiñ mynstep heiwow em ka pyllang yei soi pyrtuid ki paidbah wa kyrchaan ya u DC (signature campaign) i wow pynbood won sa i chah thngan iwa khlem booh por wow yoh yeiwa wa dawa wow pynneh ya u Arunkumar kam u DC.