15 49.0138 8.38624 1 0 4000 1 https://wyrta.com 300 0

Chah khang ka dukan China Bazar ha Jowai

0 Comments
Advertisement ad1

Jowai: Kawi na ki dukan heh kawa em ha Iawmusiang, Jowai ka wym em pyrtuid ka da man tre uwi u bru wa tip kam u Shamed uwa na Delhi, kawa man ka dukan kawa dai tiar wa ha rukom da chah khang noh ko ynne ka ynne ka sngi 18 Duyatra hadien wa chem ka Hynniewtrep Achik Natioanal Movement (HANM) khlem biang ki kot ki sla wa emkaam.

Ya ini da leh hapoh i yahkhmat u General Secretary ka seiñ u Damonmi Dkhar ryngkat ka kong R. Kharpuri kawa man kam ka Inspector yong ka Sale Tax, wei da chem wa kani ka dukan wa tip kam ka China Bazar ym em u biang kot ko, wot ya ka Trading Licence wa kiwi kiwi.

Advertisement ad1

Ha ini i lai sylli ka seiñ chirup wa ka sahep da chem pathan ki wa ki kot ki sla ha dukan toh da ki yong kiwi, kamtæ ka sahep da phah khang noh ko ya kani ka dukan wei da hukum ya u tre wow lai hajir u cha ka yung krehkaam u Superintendent of Taxes, Jowai wow pynbiang y ki kot ki sla, wei lym kamtæ daw knieh noh ka sorkar ya ki tiar wa em hapoh dukan.

Advertisement ad1

0 Comments

Leave a Reply