Ka KSU-EJHDU ynne ka sngi da lai booh ujor ko ha u DC ka East Jaiñtia Hills District pyrchah yaki karkhana pynmih khyndaw-bilat (Cement) hajrong wow dawa pynbna ki yei lait kreh namo ki Advertisement ha ki laad pathai khubor ka jylla.
Ka seiñ da chem ko wa ki kaam wa lait ha kini ki karkhana da pynlait yaki cha kiwi ki kot khubor wa pynmih cha Bihar, Assam wa kiwi kiwi de wei ini i leh yong kini ki karkhana da pynchrai ko yaka seiñ kawa da ong wa ini pynoo ko wym burom ko wei kheiñ snep ko yaki tre ri haka liang yoh kaam yoh jaam.
Da ong leh wa ini pynyoo ko wa kini ki karkhana kwah ki du wow kjit yaka spah ramaw khlem da pyrkhat yaki khynroo khyllood kiwa da pyndep yei puræ waphær waphær.
Kamtæ ka seiñ da dawa ko na u DC wow tuklar ya ini i kaam yow pyntikna wa ki Advertisment da pynmih ha ki laad pathai khubor ka jylla.
Ha iwi won i liang, ka seiñ da pyntip ko wa daw pynman ko da ka Job Fair ha thaaiñ East Jaiñtia heiwa kini ki karkhana hap ki wow thap kaam yaki khynroo ka thaaiñ deiwa ya krehlang waki bor District lada man iwa ye.
Heiyatoh wa ini, u DC da ong u wa daw e u dei thoh cha waroh ki karkhana pynmih khyndaw-bilat wa em hapoh ka District.
Discussion about this post