Ka KSU Shillong Mihngi Circle hei miet ka 30 tarik u bnai wa dep, da pyntip cha ka wa em ki kattu katni ki bru kiwa man artatien kiwa thiah ha sarok 4th Fourlong, kamtæ hawa lai kylli takit ka seiñ, da khana ki wa da wan ki chapoh ka jylla yow kreh mylla tangwa hawa paan ya ki kot ki sla ki yong yow pyntikna toh kiwa da India, ym em ki tang ka EPIC leh.
Kini ki bru kiwa em san ngut da thiah ki ha rood sarok hakhmat ki dukan ka thaaiñ Polo.
Ini da pynartatien ya ka seiñ wei da e kti ki ya ki cha ki pulit yow leh yeiwa emkaam wei da maham leh ya ki bru kiwa thmu wow man dalal ya kini ki bru.
Ka seiñ da ong ko wa ini i yoh i psiah laitlan ki mynder toh neidaw wym em ki aiñ wa khlan wei ka ILP toh kawi na ki aiñ wa ye u pynrkhiñ tangwa ka sorkar ym chimkhia ko.
Ka MRRSA kawa da man aiñ nadooh 2016 tangwa ym pu em krehkaam pura tangwa sñiawsih wa wot ya ka khyrdop (Facilitation Centre) kawa man neibynta ka MRSSA 2016 da thmu pynkylla noh ka kam ka Food Court wei lada kamni kiyi wow chim yei kitkhlieh hawa wot ki bor yong ka aiñ leh ym ye ki wow pyntikna u phah biang ya ki mynder wa yoh ksoh ka seiñ cha ki thaw wa wan ki.
Discussion about this post