15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Cha u Conrad thoh ka HANM-JHU wow pyrchah yei chna Toll Gate ha u sarokbah NH-44

0 Comments
Advertisement ad1

Jowai: Ka seiñ HANM-Jaiñtia Hills Unit, ynnin ka sngi da thoh ko cha u montri rangbah ka jylla, u Conrad Sangma wow pyrchah yei booh Toll Gate ha Ynñiawmer West Jaiñtia Hills wa ha Lumshnong, East Jaiñtia Hills.

Ka seiñ da ong ko wa katni ya u sarok Jowai-Badarpur (NH-44) toh uwa dang chna pynheh pynmiat ya oo da ka GR Infra Ltd. wei hadooh katni ympu em u pyndep yei kreh tangwa kani ka Company da sdang ko wow chna chna ya ki Toll Gate wow khrong poisa na ki kari ha Ynñiawmer wa ha Lumshnong.

Ka seiñ leh da pyntip ko wa ha kini ki bynta kani ka sarok da em leh le tylli ki Weighbridge ka wi ha Ynñiawmer, ka wi ha Umtyra wa sa kawi ha Ratacherra wei i em ki da ktah bha ko ya ki paidbah kamjooh kiwa khih wa khan.

Kamtæ ka seiñ da ong ko wa i em sa ki Toll Gate daw wanrah ko i chitom ya ki paidbah wei ye leh u ktah yei chongsuk chongsaiñ wei ymtoh u chna ya kini ki Toll Gate kawa daw wanrah leh ya ka lutsan ya ki paidbah khamtam ha kini ki por wa sih ka yaaw ka hat ki paidbah.

Advertisement ad1
Share this:
Previous

Pyrchah ka Dorbar Chnong Mookhep yei thmu ka JAC wow pynman yalang paidbah pyrchah ya ka M/s Abhi Coke Pvt. Ltd.

Next

Angnood ka Namdong wow yoh yarap na ka sorkar wow kyntu ya ka kaam uiñke suwari