Ka Hynniewtrep Integrated Territorial Organization (HITO) Laskein Block Circle hapoh i yahkhmat u President, u K. Niang da booh ki yaka ujor cha ka yung krehkaam yong u Divisional Forest Officer ha Jowai hadien wa da yoh yaka ujor naki paidbah yong ka thaaiñ wa em i tih chyiap na ka wah Myntang deiwa pynemkaam da ki kor.
Neiliang ka seiñ da ong ko wow pynemkaam da kini ki kor yow tih chyiap man ko pyrchah yaka aiñ wei da dawa na u DFO wow khang ya ini i rukom leh iwa khlem da yoh bor naka chnat sorkar.
Ka seiñ da ong ko wa ym pdiang ko ya ini i leh embor da ki kattu katni ki bru wa chim kabu kiwa da pyrchang wow lai lait yaka aiñ wei khamtam wow leh pynsih ya ka um wa ka rym-aw.
Discussion about this post