Cha u Modi u thoh ka HSU hei yatoh wa i kaam khappood

Jowai : Ka seiñ Hynñiewtrep Students Union, Central Body da booh ko ya i dawa na ka Sorkar MUA-II wa toh u pynbait noh ya u pood u ang ka jylla Assam wa ka Meghalya kawa ka wi na ki kaam wa da sah slem bha da ki phaw snem.

Ha ka khubor wa pyllait da u President ka seiñ u Kyrshan Rymbai da ong u wa ka seiñ da chim ko ya kani ka rai hadien wa dep yachem ki wa ki kattu katni tylli ki chnong wa em ha khappood ka jylla heiwa da pyntip ki wa neidaw wa ym biang u pood, da pynthut ko ya ka khayi, i roi i paar ka chnong ka thaw kamjooh leh ka lai ka wan.

Chooh chooh u President ka seiñ da ong u wa du ha kini ki kajiak sngi ki bor pyllai ka sorkar Assam da thmu biang ki u kam ya ka chnong Khanduli neidaw wa leh stiñ ka Sorkar Meghalaya u pynbait ya u pood. Kamtæ ka sorkar Meghalaya ym toh de u chong kli kti ko hei yatoh wa ini.

Ka seiñ leh da ong ko wa lada ka sorkar jylla ym leh ko yeiwa emkaam daw thoh ko cha u Narendra Modi.