Lai yachem ka AJYWO ya u DC wa u BDO hei yatoh wa ka Wapung Block

Khliehriat : Ka AJYWO Central Body ynne ka sngi hapoh i yahkhmat u president yong ka u M.H Dkhar, da lai yachem ki wau Deputy Commissioner ka East Jaiñtia Hills District, wa u Block Development Officer ka Wapung C & RD Block ya kawa tip nachwa kam ka Khliehriat C & RD Block wei da kyntu ya ki wow pynsmat u pynkylla ya ka Khliehriat C & RD Block: Khlehriat cha ka Wapung C & RD Block: Wapung kamwa da pynbna ha uni u snem wa da dep.

Ha ka dorkhat ka seiñ da kyntu joor  ko ya ki wow pynsmat u pynkylla ya i pyrtuid kani ka block yow suk i rukom krehkaam kiwa boon hapoh ka block.

Related posts

Ya ka Election cha GHADC daw pynbna hadien ka Delimitation

April 15, 2026

Baam smai u Samrat Choudhary kam u CM wa thymme ka Bihar

April 15, 2026

Ka tnat C & RD Department ka jylla,  nadooh u snem wa da dep da pynbna paidbah ko lyngba ka Notification No. CDD.129/2014/37, Dated, Shillong, the 18^th November, 2016  wa da kyrriah wei da pynkylla pyrtuid ya ka Khliehriat C & RD Block cha ka Wapung C & RD Block tangwa la 3 bnai leh ympu ye u leh yeini.

Da kyntu ko leh yow chna pynsmat noh ya ka yung krehkaam ka C & RD Block næ wow thooh luti yow pynsmat u kyrriah yakani ka yungkrehkaam cha kawi ka thaw.