Jowai : Ka seiñ FKJGP, Jaiñtia Hills hadieñ wa chem ko wa ym em biang i rukom chna ya u sarok Jowai-Malidor Double Lane Project wa chna da ka GR Infrastructure wa jrong kamwa 104 KM da booh ki ya ka dorkat ha khmat u Project Director, Shillong, NHAI, PWO, Eastern Circle.
Ha ka dorkhat da ong ki wa da chem ki wa ha khmat ka Jowai Cilvil Hospital, Ialong i rukom siang sarok rukom siang psiang toh iwa leh tangdep khlem pynkhlan ya iwa rim neibhah i tre warim u sarok man i iwa tlot kamjooh wa da boon du ki thlu.
Da chem ki leh wa da em uwi u loom wa da ah ki mar bait ym toh dei chariñ wei da booh u i maa ya kiwa lai wa wan wei suk i khyndaw wow oor (Landslide) iwa em ha Tuber.
Da kdaw ki leh wa ya ki dooid (Side drain) nadooh na Soomer hadooh ha chnong Tuber ym em chna ya ki.
Kamtæ neilaing u Project Director da kular u wow chimkhia yeini wei daw phah u ya ka hukum yow leh katkam ka kyndon ka NHAI heipor wa chna ya uni u sarok.
Discussion about this post