15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Sñiawkhia ka SBYWA wa jnah i kreh ya ka yingkieñ Tisang

0 Comments
Advertisement ad1
Advertisement ad1

Khliehriat : Ka Southern Border Youth Welfare Association (SBYWA) da pynap ko yei sñiawkhia hajrong i jnah i rukom krehkaam ka HMR Pvt. Ltd, ya ka yingkieñ ha ka wah Tisang (Myntdu) kawa em ha ka chnong Borghat, East Jaiñtia Hills.

Ya kani ka yingkieñ da chna da ka NABARD (Under Rural Infrastructure) wei da sdang kreh ya ka nadooh ka 14/05/2010 wei hadooh katni ympu ye u pyndep ya ka hanlada booh thong wow pyndep ha u snem 2012 hei lut kamwa T. 1660.21 Lak.

Advertisement ad1

Neiliang ka SBYWA da lai booh dorkhat ko ha u Deputy Commissioner ka East Jaiñtia Hills District, u M.S. Lhuid heiwa da pynsñiaw ki yei emkaam ya kani ka wah Tisang ka wow man i myntoi ya ki paidbah ka thaiñ khappood.

Ki paidbah kani ka thaiñ im ki hei rep i riang kam wow rep kwai, pathi, ki soh khontara, satrooiñ, syiñ wa kiwi kiwi ki mar kiwa pynkit ki dei langær cha Dawki wa kiwi kiwi chnong.

Ka SBYWA hapoh i yahhmat u Namphrangmi L. Talang, u General Secretary wa u Skhembor Shadap, President da kyntu ki ya ka sorkar wow chimkhia wow pyndep ya kani ka yingkieñ khnang wow myntoi ki paidbah waroh.

Hei yatoh weini u M.S. Lhuid, da kular u wiow chimkhia yeini wei neiliang yong oo da kular u wow lai sylli ya kani ka yingkieñ ha ka chnong Borghat.

Share this:
Previous

Cha u Project Director ka NHAI ujor ka FKJGP, JH hei yatoh wa u sarok Jowai Malidor

Next

Ki result ka 3rd Invitation Knockout Tennis Ball Cricket Tournament 2017 ynne ka 27 tarik