I dooh thaw noh jhep ka chnong Jowai nadooh u snem 2022 da pteiñ i wow wanrah yei eh i chitom wa harukom ya ki paidbah ki wym yoh thaw noh jhep de heiwa i jhep toh iwa da lang neipor cheipor ha ki yaaw ki haat wa cha luti syngkieñ khamtam ha u sarok wa lai nadien ka Thomas Jones Synod College.
Ini i bynta toh iwa da myllien ki bru wow lai noh yei jhep wei da man i leh iwa smaa wa taroi bha heiwa kattæ i jhep i jakhlia dapoi i cha pyrdi u sarok iwa lakam wa em wa leh chynnam.
I jhep ha ini i thaw toh iwa da wan khat sien sien donhi wei iwa smat wow dap neidaw ki Truck ka Municipal ym em wan tista ki wow lai kit yei jhep na ki yung ki sem ki bru.
Kamwa man kattæ ka Jowai Municipal Board kat cha wa lai thooh thaw ki yow pynman kam i thaw noh jhep da pyrchah bait ki tre chnong wei kattæ da em leh sa iwi i thaw wa da em kyrmen ki wow yoh iwa dang haap hapoh ka Jowai Elaka hi.
Ka Solid Waste Processing & Disposal Plant kawa dadep chna wei dadep pyndait ki kor sa du u sdang pynemkaam wa em ha Byndihati kawa da mang neibynta ka East wa West Jaiñtia Hills, da hap pynsangeh i chna pyndep ka hadien wa da pyrchah kiwa chong chnong ha uni u snem.
Nynkong da em chwa i pyrchah wow chna ya kani ka Plant heiwa neiliang ki bor sorkar da lai yah ki 10 ngut kiwa chong chnong cha Goa yow pynyoo kammon u krehkaam kani ka thaw wei hadien ini da yoh u chna ka tangwa hadien wa su jan pyndep u chna, da mih biang i pyrchah kattæ.
Discussion about this post