Chah ah khlieh uwa na India ha US hadien wa mih i kajia neidaw ka Washing Machine

U bru uwa na India uwa kreh kam u Hotel Manager ha Dallas, Texas ka ri USA da chah pynyap u deiwa chah ah khlieh hadien wa yakajai wa uwa krehlang u neidaw ka Washing Machine kawa sih.

Uni u wa yap toh uwa tip kam u Chandra Nagamallaiah (50 snem) uwa na Karnataka wei ini da jia i hei thaw kreh u deiwa sakhi ka kurim wa u khon u wei da jia i ha ka 10 tarik uni u bnai ha Downtown Suites Motel kawa em ha Samuell Boulevard wei da kreh u ha kani ka thaw la kamwa ar snem tam haroh.

Katkam wa pyntip ki pulit, ini da jia i hadien wa u Chandra da phah u ya uwa kreh wa oo wa tip kam u Yordanis Cobos Martinez wym toh u pynemkaam ya ka Washing Machine kawa sih tangwa da joor syndet i chrai hadooh wa u Martinez da dung u ya u Chandra boonsien wei da kdong u oo leh cha lait hadooh wa poi hakhmat ka thaw psiah kani ka Motel.

Ka kurim u Chandra wa u khon u da pyrchang ki wow yarap tangwa ym em ye ki wow leh iyi iyi wei hadien wa u Martinez ah u yei khlieh u Chanra da kynjet u yei khlieh cha thaw pynyieñ kari heiwa da yoo leh yei snaam wa kai nei khlieh katkam wa riñ ka CCTV.

Related posts

Yoh kem ki pulit ya uwa dai Drugs ha Soo Kilo

January 9, 2026

Yoh kem ka DRI 29 Kg i ksiar wa ka poisa wa Rs. 2.90 klur na Delhi wa Agartala | Emkti kiwa na Bangladesh wa na Dubai

January 7, 2026

Ki pulit da kem ki ya u Martinez heiwa da chem wa jhieh snaam ka T-Shirt u wei da yoh leh ya ka wait wa pynemkaam u chirup ka Mobile Phone u Chandra wei da phla u leh wa leh u yeini i kaam.

Hei takit ki pulit da chem ki leh wa u Martinez toh uwa da jooh chah kem ha Florida wa Houston wei katkam wa pyntip ka US Immigration and Customs Enforcement (ICE) da pynlait ya oo ha u bnai nyngkong uni u snem.

Uni u bru toh uwa na ri Cuba wei da pynngat oo hapoh ka kyndon pynyap bru wei da kset ya oo ha Dallas County Jail.