Ha iwi i jia wa pynphylla ya kiwa boon ha i dukan Zudio wa em ha Imphal, Manipur, da mih i Video wa pynyoo yei yañia ki ar liang hapyrdi ki Sikh wa riam kam ki chipai Nihang “Guru’s Knights” kawa man ka rukom riam tynre kiwa yada ya u Guru Gobind Singh uwa sdang ya ka Khalsa ha u snem 1699 wei man ki leh kam kiwa yada ya ka niam Sikh.
Kini ki bru da deiñ ki leh deilang wa ki wait ha tympong heiwa ki Security Guard da phah ki wow booh ya kini ki wait namo ki ‘Kirpan’ yong ki ha lait tangwa kini ki ar ngut da kyntait ki deiwa kylli lada i dukan em i ha India.
Hadien ini da khut ya u Manager wei kini ki ar ngut da khana ki wa katkam ka Constitution ka India chah ko ya ki Punjabi (Sikh) wow rah wait katkam ka niam ki.
Ya i Video wa da booh ha u YouTube Channel wa pyrtuid Prabh Singh Talk, da thoh wa chah lehbeiñ ki Sikh ha India dei ym chah ya ki ha Zudio.
Ini i Video da wanrah i ya kiwa yachah wa kamjooh kiwa pyrchah yeini.
Da em kiwa ong wa katkam ka Constitution da chah ya ki Punjabi (Sikh) wow rah ya ka wait Kirpan kam ka dak yong ka niam tangwa em ki thaw wymtoh u rah ya ki.
Kini ki Sikh da kylli ki leh na ki kynthai kiwa em ha kani ka dukan wa lada tieñ ki ki heiwa da jubab ki wym em tieñ ki.
Discussion about this post