Ki Muster Roll hapoh ka lama yong ka Joint Action Committee Muster Roll Workers Union (JACMRWU) da sñiawsuk ki wow yachem wa u Chief Minister ka jylla, u Conrad K Sangma hajrong i dawa yong ki.
Hadien i yachem wa u Conrad, uwa yahkhmat ka JACMRWU, u Khroo L Pariat da ong u wa u CM da kubur u yei slem wow pynkrehkaam yei dawa yong ki wa kynthup ya ka VDA (Variable Dearness Allowance VDA) kawa toh u pynku ar sien chi snem ya nong, heiwa ka sorkar daw pynmih ko ya ka ha kini ki sngi wow wan.
Iwi won toh i rta wow chong-ngiah heiwa u CM da kular u wow sylli bñiah neibhah wa em ki chnat kulmar ki neibhah em kiwa ong wa i rta wow chong-ngiah toh 58 snem tangwa ini man i du kat ya kiwa kreh sorkar katwa ki Muster Roll (MR) toh kiwa em ha ka kyrdan wa khih mylla.
Heiyatoh won wa i su ya ki Muster Roll hadien wa da chong-ngiah, u CM da kular u wow pait bniah yeini kamjooh leh ya ka RCW (Regular Casual Worker) ya ki Muster Roll kiwa da kreh palat 10 snem toh wow pynskem.
Heijooh i por, u CM da sñiawsih wei da khyrngiat u wow tip wa ki Muster Roll ha hapoh ki kaam thaaiñ that namo Textiles kam ha Weaving, Sericulture yoh ki ya ka nong du chisien chi snem heiwa da sñiawkhia u yeini neibhah wa ki MR toh ki chrotbah ki sahep sorkar.
Ki Muster Roll da yaklam ki leh hajrong ka EPF (Employee Provident Fund) wow kynthup ya ki neibhah ympu pynkrehkaam ya ka ha Meghalaya.
Hajrong i kular u CM, ki Muster Roll da rai ki wow sangeh chwa yei thmu wow pynman yakhih hadien wa kut uni u bnai.
Discussion about this post