Ka Elaka Nartiang Coordinate Committee (ENCC) ynne ka sngi da beh ko ya ki kari kit-jhep ka Jowai Municipal Board (JMB) na chnong Thadmusem.
Kani ka Committee kynthup ko ya ka KSU-Modop Nartiang Unit, FKJGP-Nartiang Unit, HNYF-Nartiang Circle, MPUF-Nartiang Circle, JSM-Nartiang Circle wa kiwa chong chnong ka Kdohkule, Thadmusem, Nongkhroh wa kiwi kiwi.
Ha kani ka sngi da pynman leh ya ka yalang heiwa da rai wow pyrchah joor ya i wan ki kari noh-jhep na Jowai cha kani ka thaw.
“Ini i leh ki kari ka JMB da ktah i ha i chait i khiah, ka um, ka la’ær wa ki hali wa ki pynthor,” da ong u President ka HNYF-West Jaintia Zone, u HW Sutong.
Hadien ini wa wan ki kari ka JMB ryngkat wa ki bor pulit tangwa ki paidbah wa em ha ini i thaw ym em u mih ki wei da pynuiñ noh ya ki cha ki thaw wa wan ki.
Puræ leh: Pyrchah sa ka Elaka Nartiang yei thaw noh jhep ka Jowai Municipal Board
