Kamwa 27 ngut kiwa kreh ka KHADC da chah beh kreh ki ha ka Executive Committee yong ka Voice of the People Party (VPP), wei ynne da lai ki wow ood u naam ha u Chief Executive Member (CEM), u Shemborlang Rynjah tangwa neiliang yong oo da kyntait u yei kyrpaad yong ki deiwa klam che wym ye de wow pdiang ya ki wow kreh ki.
Uwi uwa kreh kam u Enforcement ha KHADC nadooh u snem 2019, da ong u wa ki 6 snem neibynta u kreh ymtoh de iwa ke, wei da pynsñiaw u yei sñiawsih kthang wa hadien wa da yoh kreh Permanent ha u Naisaphra ynnin u snem, da chim ram na ki Bank yow chna yung tangwa kattæ dei yi u su.
Neiliang kiwa kreh da kam ki wa waroh toh kiwa da yoh ya ka Post yong ki hi ha KHADC, tangwa khlem da e ya kawon kawon ka daw kawa biang da pynkut bait yei kaam yong ki.
Neiliang uwi won uwa kreh Enforcement hi, da ong u wa ki leh toh ki khon khynroo ka ri wei da pynsñiaw u leh wa kwah ki wa u CEM u pynneh u ya iyi wa da em kattæ wei kayi ka Policy kawa kwah ki wow wanrah neini chakhmat toh u ieh u lai ko dei yong ka hi.
Kawi ka manbei da pynsñiaw ko yei wym sñiaw yahaap yeini wa leh ka Executive Committee wei da khana ko wa neiliang yong ki daw lai ki da ka luti wow pynyoh yei hok wot hadooh wow lai cha ka yung Kasari.
Discussion about this post