Chah beh kreh kawa chet Mid-Day Meal ha West Jaiñtia neidaw wa em HIV

Ka seiñ wa tip kam ka Meghalaya State Network of Positive People kawa man kam ka seiñ kiwa em ya u khñiang HIV da pynsñiaw ko yei sñiawdiaw yei chah leh chiliang kawi ka bru wa kreh kam kawa yarap chet ja namo ka Mid-Day Meal Cook kawa chah beh kreh neidaw wa em ko ya u HIV.

Ka seiñ da ong ko wa jooh em hi mo ki bru wa chet ja-doh, chet Chow, chet Momo kiwa hap pynbor ya ki wow rah lang ki ya ka HIV Report kamwa da phah leh da kawi ka skur wa em hapoh West Jaiñtia Hills.

Kani ka seiñ da ong ko wa deiwa leh kamni da khanglaad ya kiwa em HIV wow yoh kreh ki kamjooh wow pdiang ya ki ha ka imlang sahlang neibhah kini ki bru pynyoo ki yei duna i tip ki chaphang kammon uni u khñiang poor u neibhah deiwa chet baam da kiwa em HIV ym ye la kammon kammon leh u poor uni u khñiang cha kiwi tawon.

Deiwa leh kamni da nang joor i chah paitkhmat kiwa em HIV wei da pyndooh yei hok ki wow yoh kreh, da ong u Barry Leslie Kharmalki, uwa man kam u EM kani ka seiñ, deiwa kylli leh wa hawa lai baam i cha ki Restaurant, hawa thied Alumuri hawa thied chana i jooh paan i mo ya ka HIV Report uwa dai.

Related posts

Kyrchaan sa ki khynnah ka NEHU-Tura Campus yei yakhih

November 12, 2024

Ar kynta chimpor wow sai ya uwa yah hadien i tyrrah ki Truck

November 12, 2024

Kamtæ da ong u wa lada na kiwi ym paan ileh u hap paan da ki skur wei kani man ko du wow yoobeiñ donhi ya kiwa em HIV khlem da sñiawthooh bha.

Chooh chooh da kdaw u wa hapoh ka MDM Scheme ym em ka kyndon wa ong wa hap u leh ya ka HIV Test heithaw wow pyrkhat ki hadooh katwon miat i baam wa e cha ki khynnah.

Da ong u leh wa ha ka aiñ HIV AIDS Act, 2017 da kdaw che wym toh u leh chiliang ya kiwa em HIV wei emkaam wow yada yei hok yong ki neibhah ye wow chah pynchitom katkam ka aiñ.

Da e nongmuna u leh wa ini wa jia ha Mupyut Mihngi Shiksha L.P. School, SSA wa em ha West Jaintia Hills ymtoh iwa dang ini, da dep jia leh ha Roman Catholic School (Pommura), East Khasi Hills heiwa ki bru wa em HIV da chah beh kreh ki.

Da ong u leh wa ha kiwi ki thaw nadooh ki Training Centre kiwa e sikai yow chet baam hapoh ka jylla da pynbor ki wow phah Test HIV wei toh u e khusnaam ya ki yeini wa sñiawthooh bakla wei yah bakla ki.

Kamtæ da kyntu u ya u Deputy Commissioner ka West Jaiñtia Hills kamjooh ya ka Meghalaya AIDS Control Society wow yahkhmat ki u pynsñiawthooh kamjooh ka chnat puræ puthi deilang ki School Management Committee yow lait noh u pynmyllien ya kini ki kaam wa sah doom.

Kaktkam wa pyntip wa ya kani ka bru da pynsangeh kreh ka nadooh ka 08-11-23 wei da sdang ko u kreh nadooh u snem 2013.