Sdang ka sorkar da ka ASPIRE yow yarap ya kiwa yaleh NEET, JEET hadooh kiwa yaleh kreh sorkar

U Montri Rangbah ka jylla, u Conrad K Sangma ynne da wai paidbah u ya ka ASPIRE (Accelerating Student Potential through Interactive & Remote Education), kawa man ka rynsan Online heiwa kiwa lai skur daw yoh ki ya kiwa sikai 24×7 deilang ki kot ki sla wa da pynkhreh kyrpang neibynta ka Exam deilang i yahluti namo ka Career Guidance.

Neibynta kiwa lai puræ Class 9–12 daw yarap ya ki hawa pynkhreh ki ya ka SSLC wa HSSLC kamjooh wow e Coaching neibynta ka NEET, JEE wa CLAT wa kiwa yaleh kreh sorkar yow man ki kiwa da tip bniah kamjooh wow pynchlur ya kiwa boon ki jait kreh wa ye ki u wow yaleh.

Daw pynemkaam leh dei bor AI, ki Test wa man-u-bnai, deiwa e laad leh ya khynnah wow khana ki yeiwa sñiaw ki yow pynbha pynmiat yeini.

Neibynta kani ka Project ASPIRE da booh bhah ₹1.57 klur deiwa kyrchaan ka NITIAayog hapoh ka Innovation Projects deiwa ya krehlang wa ka FILO Edtech.

Daw em leh ki App kiwa da pynchna kyrpang neibynta ka NEET, JEE, CLAT chirup kiwa yaleh kreh neibynta ki yong ka sorkar kam ka Banking, Railways wa SSC.

Related posts

Phah ki MDC ka East Jaiñtia ya ki karkhana Coke wow pynkhooid ya ka la’ær wa mih | Daw pynchitom ya ki wym leh

September 11, 2026

Deiwa brait da u sumrit dung ha kiwa kreh lute uwi ya ka chnat ka SBI

September 11, 2026

Da pynkhreh leh kyrpang yow man ko kawa yahaap leh wa ka Syllabus ka MBOSE.

Daw em leh ki Question Bank wa em 1,00,000 tylli ki yukylli.