Ka Swati Maliwal kawa man ka muktiar wei kawa jooh kyrchaan bha ya ki yurim u Chief Minister warim ka Delhi, u Arvind Kejriwal, ha kani ka kynti da beiñ joor ko oo wa ya ka Aam Aadmi Party (AAP).
Ka Swati da beiñ ko ya u heh ka AAP, u Arvind Kejriwal wa da pynemkaam bakla boon ngut ki pulit wow yada ya oo.
Da booh ko leh yei Video ha Social Media deiwa thoh wa lada u Syiem Kejriwal wa u Travel Agent yong oo, u Bhagwant Mann wan ki cha nongbah, da phah ya kiwa boon ki pulit na kiwi ki District wow chakri ya ki.
Ka Swati da beiñ ko leh ya ka sorkar u Chief Minister ka Punjab, u Bhagwant Mann heiyatoh wa ki kaam pyrchah aiñ kiwa dang ku ha katai ka jylla.
Ka Swati kawa jooh man ka MP ha Rajya Sabha na ka AAP Quota, da sdang ko wow pyrchah ya u Kejriwal wa ka AAP nadooh wa chah jrongkti ko ha yung u Kejriwal heipor wa man u kam u Chief Minister ka Delhi.
Ha i Video wa booh ko da ong ko leh wa hajrong ki 40 kari, da em sa 2 tylli ki Bus pulit wa sap sula yung, iwa man 200 ngut ki pulit wow wanrah yei sahkut ki luti ka nongbah. Deiwa kylli kammon u bru klam u deiwi wei leh won u mar dei khangtleiñ.
Discussion about this post