Chah beiñ wei chah yaroh u pulit uwa rah ya kawa mynsoo ha kti khlem da pynemkaam da ka kari wa bood nadien

Uwi u pulit ha Bahraich, Uttar Pradesh da mih i Video u hadien wa rah u ya ka bru wym em yongbru de yow lai booh cha thaw sumaar hadien wa chah tyrrah ko.

Ini da jia i hapoh u pood ka Khairighat Police Station wei heipor wa lai Patrol u Inspector-in-Charge u Pradeep Kumar Singh da chem u ya ka bru ha sarok kawa da mynsoo.

Kani ka bru wa 55 snem da tip kam ka Gayatri Devi wei da chah tyrrah ko ha ka kari wym tipmit.

Uni u pulit mar ya yoo ya kani ka bru da rah u ka khlem da yang de ya kiwon kiwon kiwon hadooh wa poi cha u Doctor wa em cha chajan wei da lai booh ka cha thaw sumaar.

Related posts

Chah siat yap uwi pyn ha u khon-nah uwa pyrchah yeiwa bia biang ka bei u

October 11, 2026

Da khut ya ki khon khynroo khyllood ka Narpuh yow yaleh ya ka 15th Mait Shaphrang Academic Award 2026

October 11, 2026

Tangwa waroh ini da pynphylla i ya ki bru kiwa da kylli ileh ym pynemkaam da ka kari pulit kawa bood nadien yow poi smat chei thaw sumaar heiwa da em kiwa ong wa kopsar kwah yaroh ki pulit wei da booh hei maa ya kani ka bru lada slem ko u poi cha thaw sumaar.

Em leh kiwa ong ileh wym pynemkaam yei jabieñ.

Heijooh i por leh em kiwa yaroh ya uni u pulit wa da leh u yeiwa leh u.