Ha iwi i jia wa rap sñiaw phylla kamjooh wa sñiaw chyrkhei wa jia ha Pratapgarh, Rajasthan uwi u bru wa tip kam u Zafar Hussain (55 snem) da chat dat chah bom u ha kiwa kreh ka Municipal Council hadien wa pynwit u ki heipor wa chondur ki ya ki kynthai wa lai paikhana cha lait.
Ini i dai sarom ya kiwa lai paikhana cha lait toh i pyrchang ka sorkar Rajasthan kam chibynta ka Swachh Bharat Mission.
Ha katai ka sngi heipor 6:30 i step kiwa kreh ka Municipal da wan ki da ka kari yow chondur ya ki kattu katni ngut ki kynthai kiwa dang lai paikhana cha lait wei hadien wa yoo u Zafar yeini da ong u ya ki wow dam ki u chondur tangwa kini kiwa kreh ka Municipal da dat da bom ki oo da ki lathi hadooh wa yap u katkam ka FIR wa booh u payu u Zafar. Da ong u leh kini ki bru wa emkti toh kiwa tipmit ki kynthai wa sakhi yeini i jia.
Kiwa kreh ka Municipal won ong ki wa ym em tba kti ki oo wei tip ki yeiwa da yap u hadien wa ki leh ujor FIR ki pyrchah ya u Zafar deiwa ong wa pynthut u yei wa kreh ki sahep sorkar.
Ki pulit dang pynman ki ya ka takit wei ym pu em kem ki ya uwon uwon.
(Source IE)
Discussion about this post