Jowai : Ha ka juk kawa katni ka juk kawa man yaleh kawa yakdong i waroh yei stat wei khamtam ki bei ki pa wa kwah u yoh ki khon yei stat wa pura yow ye ki u yieñ hajrong ki kjat yong ki dahi tangwa boonsien ini i angnood ki bei ki pa man i iwa sepai ha kiwa boon ki liang.
Ha kani ka kynti katkam ka khubor wa da yoh da ong wa uwi u manpa ya uwa da tip pyrtuid kam u ma Comely War na ka chnong Wahiajer, West Jaiñtia Hills da ujor u wa hapyrdi u Naiynru wa u Nai Ynñiaw 2015 da kynnoh u wa da chah thok u ha uwi u bru uwa da tip kam u Anuj Kumar Hazarika.
Ha ka ujor da ong wa u Hazarika da chukor u ya u ma War hadooh T. 25,50,000/- (Tanka arphaw san lak sanphaw hajar). Ini da jia i hadien wa u Hazarika da kular u wow yarap pynpsiah ya ka S. Dkhar kawa em kamwa 20 snem i rta kawa man man leh ka khon u ma War ha kawi ka thaw e sikai Doctor (medical seat).
Hadooh wa thoh ya kani ka khubor neiliang ki pulit dang takit dang sylli ki yeini waroh.
Neiliang u Wyrta kyntu u ya ki paidbah wow husiar wei wow sylli bniah ki hachwa wow phah lai puræ ki ya ki khon ki kti wa ki pyrsa yong ki yow lait na kam ini i chah chukor.
Discussion about this post