Chah dai tooh ka yungmane ka CNI kawa da yieñ la 135 snem hei dor wa Rs. 5 klur

Ka Association of United Churches of Northern India Trust da ujor ko pyrchah ya uwi u bru wa tip kam u Jordan Masih uwa chong chnong ka Ludhiana yeiwa emkti u wow dai ya ka yungmane kawa 135 snem kawa tip kam ka Golaknath Memorial Church wa em ha Jalandhar hei dor wa Rs. 5 klur donhi khlem da yoh bor.

Katkam wa khana u Dr. Amit K. Prakash, Secretary ka Association, kani ka yungmane toh kawa em hapoh ka Church of North India (CNI) wei da tip ki yeini lyngba ka yung krehkaam yong ki wa em ha Ludhiana, kamtæ da ujor ki wut-wut cha u Deputy Commissioner, Police Commissioner wa Sub Registrar ha ka 5 tarik uni u bnai.

U Pastor Sarwan Masih da pynbaad u wa u Jordan Masih da dai u ya kani ka yungmane cha u bru wa tip kam u Akshay Dutt hei dor wa Rs. 5 klur.

Ka Association da dawa ko wow pynchitom katkam ka aiñ ya u Jordan Masih wa u Akshay Dutt heiwa u Deputy Commissioner wa u Police Commissioner da kular ki wym Register yei dai ya kani ka yungmane wei daw pynchitom ya kini kiwa emkti.

Related posts

Kam u ksaw wa pyndem tdong yut ka Pakistan, ong u heh warim ka US  

May 15, 2025

Sñiawngooh ki manbei ka chnong Tamu ya u Sniawbhalang Dhar

May 15, 2025

Ini i dor wa Rs. 5 klur wa dai ya kani ka yungmane ym em man ko tang 5% leh hawa kheiñ yei dor kani ka yungmane deilang wa i thaw wa em ko iwa chongdor hadooh Rs. 200 klur.

Yeini da tip deiwa em uwi u bru wym tipmit uwa Phone cha u Pastor Sarwan Masih uwa pait ya kani ka yungmane uwa da lai pyntip cha ki pulit wa em u bru wa kam ya idæ kam u Treasurer ka Association of United Churches of Northern India Trust uwa da soi ya ka kot wow dai ya kani ka yungmane wa u Jordan Masih.

Da pynyoo u leh ya ka sabut ya ka poisa wa da phah ki Rs. 5 lak yow pynskem yeini wa dai ya kani ka yungmane.