Pynbna u DC ya ki laad leh LPG Booking yow pynsuk ya ki paidbah

U Deputy Commissioner (Supply), West Jaiñtia Hills District da pynmih u yei pynbna cha waroh kiwa pynemkaam LPG heiyatoh wa i rukom leh Booking ya ki LPG Cylinder.

Waroh kiwa pynemkaam LPG hap ki wow pyndep ya ka DAC wa e-KYC na ki thaw chim Cylinder LPG yong ki.

I leh ya ka Booking thymme ki LPG Cylinder u chah du hadien 25 sngi ha ki thaw wa em cha sor wa hadien 45 sngi cha kitu kiwa em cha palatsor we ini toh deiwa khieñ nadooh ka sngi wa yoh ya ka Cylinder wa khaddooh.

Ini mut i wym chah wow leh Booking chwa ka 25 sngi ha ki thaw wa cha sor wa chwa ka 45 sngi ha ki thaw wa cha palatsor, wei chwa wow leh Booking ki toh u kheiñ sngi ki dei miat.

Related posts

Khut ki pulit ya uwa yah Scooty uwa chah tyrrah ha ka Bolero Pick-up wow wan u chakhmat

November 7, 2026

Ki Khasi chah kyrriah ki na ki thaw chong dai katwa kiwa em ha Them Metor ym ye u pynkhih | Lai wah Banner ka HANM ha ki yung sah u CM

November 7, 2026

Neidaw wa joor yanieh wow leh Booking, da kyntu ya ki paidbah wow pynemkaam da kiwi ki laad kam ka WhatsApp Booking, da ka App ‘Indian Oil One’ wa deiwa lai ha ka website https://cx.indianoil.in/webcenter/portal/Customer.

Da pyntip leh wa i por wa biang dooh wow leh ya ka Booking toh hadien 6:00 waje i janmiet. Wei ya ki Booking kiwa leh nadooh 10:00 PM – 6:00 AM daw rah ki cha ka 6:00 AM (ha ka sngi wa bood).

Kamtæ da kyrpaad ya waroh kiwa pynemkaam LPG wow bood ryntih ki yeini wa da phah.