Ar ngut ki khynroo kiwa dang lai puræ kiwa wan na Kerala da chah dat ki khlem em daw ha ki kattu katni ngut ki bru ki wym ye wow tipmit ha ka thaaiñ Jaiaw. Ini da jia i ynne ka sngi heiwa ki damok kiwa wan da ka thuk-thuk kiwa leh chongchit, da kbai awri ki deiwa toor leh cha jan kitai ki khynroo wei da dat ya ki da ki Helmet.
Kini kiwa chah dat toh kiwa tip pyrtuid kam u Rejaz M Sydeek wa u Sarath S Thambi, kiwa puræ ya ka Master Degree hajrong ka Social Work ha Kerala Central University, wei da wan ki cha nongbah Shillong yow pyndep ya ka Internship.
U Rejaz M Sydeek da khana u wa hadien wa ki da dep ki wow baam na iwi i dukan ha Jaiaw, da wan mih kamwa 3o ngut ki bru kiwa da toor chajan wei da sngoh da ki Helmet wei da kura ki ya uwi u paralok, tangwa ha itai i por ki paidbah wa ki bru na dukan da yarap ki ya kitai ki ar ngut kiwa da lait nei mynsoo, wei hadien da pyntip noh cha ki pulit kiwa da lai wow choo noh ya kitai ki ar ngut wow yah cha Lumdiengjri Police Station.
Neiliang kitai ki ar ngut da ujor ki leh da ka FIR hajrong itai i jia.
