Chah dat ka kynthai ha u kurim yow pyndam ko ya ka mukotduma wa yaleh pyrchah ya oo

Iwi i Video napoh ka Family Court ha Maharajganj, Uttar Pradesh da poor bha i heiwa kawi ka bru da chah dat ko pyn ha u kurim wa kiwi katwa dang lai ko wow ap yei bichaar ya ka mukotduma. 

Kani ka bru da wan ko cha kani ka yung bichaar ha ka 24 tarik uni u bnai heiyatoh wa ka mukotduma yow dawa bai psa na u kurim ko hadien wym em de yachong ki.

ADVERTISEMENT

Manda poi ha kani ka yung bichaar deilang ka diah wa u pa ko uwa man leh kam uwi uwa da wan wow e sabut heiyatoh wa ka mukotduma tangwa manda mih napoh ka kamra bichaar, u kurim ko uwa tip kam u Manish Kumar Mishra wa ki ar ngut, u Prince Mishra wa u Satish Mishra da dat ki ka deiwa taan sñiooh ka hadooh wa pynpat ka leh ha khyndaw wei da dat leh ya u pa ko kamjooh ka diah ko.

Kani ka bru wa tip kam ka Priya Tripathi da lai ujor ko hadien wa jia ini ha ki pulit ka Kotwali Police deiwa pynyoo leh ki sabut wa riñ yeini wa chah dat ko deiwa pynbaad leh wa da pyrchang kini ki bru wow pynyap ka lada pteiñ ko wow yaleh ya kani ka mukotduma.

Related posts

Lait uwi wa yaleh Stunt nei yap deiwa taan ya ki thuk thuk da ki tylle wa kyllaiñ na rdang

October 17, 2026

Pynlut uwi 8 bnai wow pynkhooid ya ka wah tangwa pyntngit biang ki bru ka

October 17, 2026

Heipor wa chah dat ka Priya, ki pulit wa ki muktiar da yieñ paitke donhi ki narood tangwa hadien da wan ki wow pynran.

Neiliang ki pulit dang pynman ki ya i takit hajrong ini i jia waroh.