Chah dat kiwa thoh khubor kiwa lai riñdur ya ki kaam wa leh ki dalal wa em ha yung krehkaam u RTO

Ar ngut kiwa thoh khubor da chah dat ki ha Indore, Madhya Pradesh ha ka sngi Thohdieñ wa dep hadien wa lai pynmih khubor ki yei kaam leh tooh ha ka yung krehkaam u Regional Transport Officer (RTO) heiwa ki pulit da kem ki ya 7 ngut heiyatoh wa ini wa jia. 

Katkam wa khana ki pulit, u Hemant Sharma uwa man kam u Reporter kawi ka National News Channel wa u Raja Khan uwa man kam u Cameraperson da chah dat ki ha pchem ka yung krehkaam u RTO wa em ha Nayta Mundla, Indore. 

Ya ka FIR da booh ha Tejaji Nagar Police Station da u Hermant wei da chah pynngat hapoh ka Section 296(B), 115(2), 351(3), 324 (4), 309(6) wa 3 (5) Bharatiya Nyaya Sanhita pyrchah ya u Narendra Chouhan, u Ankit Chintaman, u Vinod, u Gajendra, u Shankar Prajapati, Nitin wa u Pawan kiwa waroh na Indore. 

Yeini wa jia da pyntip cha ki pulit da ka Hospital wa sumaar ya kini kiwa chah dat wei i Video ini wa jia da mih i leh ha ki Social Media wa pynyoo ya kini ki bru wa chah taan chah dat ki. 

Related posts

Rai ka chnong Rangad u pynuiñ ya ka poisa thied Ticket kiwa wan yaleh Housie  

November 30, 2025

Uwa nyngkong dooh uwa jop ya ka KBC, wei yi krum u katni

November 30, 2025

Katkam wa ong u Hermant wa u Raja, da lai ki cha yung krehkaam u RTO yow pynmih khubor yei kaam leh tooh wa leh da ki dalal wa em ha kani ka thaw manda leh Driving Test wa ya ka Driving License.

Manda sdang kiwa thoh khubor wow riñdur yeini da wan ki le ngut kitæ u Ankit Chintaman, u Vinod wa uwi uwa man kam u Home Guard uwa tip kam u Narendra Chouhan kiwa da pyrchah yeini heiwa da sdang ki wow maham wei da khut ki leh ya kiwi ki bru kiwa da wan wow dat wei ngiat ya kini kiwa thoh khubor. Da knieh ki leh ya ka Camera wei da timpiah ki ka wei da maham wow pynyap ki lada wan biang ki, da ong ka FIR. 

Kini kiwa thoh khubor da mynsoo ki nei bynta i khlieh, kti wa rdang.