U Montri Rangbah ka jylla uwa man leh u National President ka NPP, u Conrad K Sangma da ong u wa ka GHADC da mynjur ko wow pynkylla ya ka AD Rules, heiwa ki kyrtong wa yakhun ya ka Election MDC emkaam ki wow em ya ka Schedule Tribe Certificate.
U Conrad uwa em kattæ ha Tura da klam u leh cha ki paidbah hakhmat ka Office ka NPP deiwa ong wa i rai wei i pynkylla (Amendment) ya ka Rule toh ka wow neh parom ya ki paidbah wei ka rai kawa emkaam wei kawa kongsan neibhah wa ka District Council toh neibynta ki jaitbru ri-loom.
Da pynsñiaw u yei kyrmen wa ki paralok Non-Tribal u sñiawthooh ki yeini i rai wa ka District Council toh neibynta ki jaitbru ri-loom. Da kyntu u ya waroh wow ya krehlang neibynta wow pynku ya ka thaaiñ wa ka jylla waroh kawi.
Da ong u leh wa ya ka GHADC da seiñ nadooh u snem 1952, wei ini waroh da chimpor 74 snem yow leh yeini deiwa ngait skem wa ini i rai toh iwa daw ye wow pynyoh yei angnood ki jaitbru Garo.
Discussion about this post