U SP ka East Khasi Hills da pyntip u wa ha ka 29 tarik uni u bnai da em soo ngut kiwa kreh mylla na Assam kiwa da lai wow siang Tiles ha iwi i yung ha Jaiaw wei heipor wa liwan ki hei janmiet kamwa 6:10 da ka Local Taxi wa yah da u tre chnong, da chah pynsangeh ki manda poi ha ka yingkieñ Umpohliew.
Kini ki san ngut deilang wa uwa yah kari da chah dat ki da u mustur wei da mynsoo joor ki ha ini i thaw wa chah pynsangeh ki wei da lait ki deiwa wan ki dkhot ka VDP kiwa da ye wow beh ya kiwa dat wei da yoh ki wow kem ya uwi hadien wa kdong ya oo uwa da yut cha Mawlai Phudmuri, Madan Heh.
Ki pulit hadien wa pyntip yeini cha ki da lai ki cha ini i thaw wa jia wei da pynkit ki ya kiwa chah dat cha Civil Hospital yow yoh ki yei sumaar heiwa ya uwi da hap u wow sah Hospital.
Hadien ini, ki pulit deiwa yarap kiwa chong chnong da yoh ki wow kem sa san ngut wei na kini waroh 6 ngut wa emkti, 3 ngut toh kiwa hapoh 18 snem.
