Uwi u bru wa 54 snem i rta uwa man leh uwa sikai put/tem na Manipur da yap u hadien wa chah dat ha ki damok ha Kilokari hajan Ashram ha Southeast Delhi neidaw wa boh u yei pynawri ki damok ha i Dhaba mar pyrchah i yung u hei pyrdi synyaaw ka 6 tarik uni u bnai.
Ya uni u bru da tip kam u Chongtham Vikram Singh wei da lai u wow boh yei awri ki damok kiwa man kam ki Delivery Boys wa kiwa kreh yong ka Dhaba wa em mar pyrchah i yung u.
Hadien wa boh yeini, ki damok da sdang ki wow dat wow bom ya oo hadooh wa jem phnap.
Ya u Singh da kit cha Holy Family Hospital da u khon u, u Yaiphaba tangwa da yap noh u hadien kattu katni por ha ka 7 tarik.
Ki pulit ka Sunlight Colony Police Station da tip ki yeiwa jia ynne ka sngi wei da kem leh ya ki kattu katni wa kynthup ya uwa hapoh 18 snem i rta.
U Singh toh uwa jooh tem Guitar wa ki dhab kam ka Ultra Vires, Phoenix wa Eastern Dark, wei toh u khon u Chongtham Kamala uwa man leh uwa rwai wa bna naam ka Manipur.
Hadien ini, ki seiñ na Northeast da lang ki ha Sunlight Colony Police Station, wow dawa kem wei pynchitom ya kiwa emkti.
Ka North East Students’ Society, Delhi University leh da beiñ joor ko yeini iwa jia.
Ka Delhi Police da pyntip ko wa i takit hajrong ini da man iwa lai chaphrang.
Discussion about this post