Chah dat uwi u baar jylla wa thmu wow slaitbor ya ka khynnah wa em duna

Shillong: Ynnin ka sngi, uwi u baar jylla uwa em kamwa 40 snem da chah bom chah dat u ha ki paidbah ka Mawlai Mawroh (Mawlyndop) hadien wa chah pynbaad wa mut u wow slaitbor ya kawi ka khynnah wa em i duna.

Uni uwa chah pynbaad da tip kam u Uttam Biswa wei kreh u kam u mistri ha i yung wa em hajan i yung kani ka khynnah wei da wan psiah u chapoh yung heipor wa dang em ko samen.

Da ong u wa heini i por u ma kani ka khynnah da poi yung u wei da yoo u ya u Uttam.

Hadien ini da hær ka khubor wa em ini i jia heiwa da wan ki paidbah kiwa da bom da dat ya uni u bru wei hadien da wan ki pulit wow kit ya uni u bru cha Civil Hospital, Shillong wei wow leh yeiwa emkaam.