Chah dat uwi uwa sah ha Them Iew Mawlong

Uwi u bru wa sah ha Them Iew Mawlong kawa tip leh kam ka Harijan Colony, u Lakhan Singh da chah dat u ha ki damok hei miet ka 4 tarik.

Uni u bru wa na Shillong hi toh uwa yalehke Cricket uwa da chimbynta leh ha ka Ranji Trophy wei da chah dat u heipor kamwa 9:20 i miet wei da lai ujor u leh ya ka FIR.

Da khana u wa heipor wa jia ini da wan kawi ka kari Maruti Celerio kawa em Number ML-05AA-0381 hajan ka Anjalee Cinema Hall heipor wa mut u wow lai cha Jhalupara da ka Scooty hadien wa mih u na yung.

Hapoh kani ka kari da em uwi u bru wa sngaid wa yah ka uwa da sangeh ya ka kari hakhmat ka Scooty wei da wan kiwi ki bru nadien kiwa da sdang wow dat oo u Lakhan.

Da ong u wa kini ki bru waroh toh kiwa da muaid bha wei da dat ki oo khlem daw wei da mynsoo u neibynta i khmat wa i khmut.

Related posts

Chah kem ki le ngut kiwa rahbor ya ka kynthai na Byrnihat wei dai ka hei dor wa Rs. 3 lak ha Rajasthan

October 28, 2025

Hadien chi snem wa chah rahbor ka khynnah na West Garo chem ka na Delhi | Kha khon mar ya poi Tura

October 27, 2025

Kani ka kari toh ka kari kamai Tourist wei manda Phone cha i Number wa Register ya kani ka kari, da ong uwa rap Phone wym toh oo u tre kari.

Neiliang ki pulit da pyntip ki wa heiyatoh wa ini da kem ki ya uwi u bru wei dang thooh ki leh ya kiwi wa emkti ha ini.